15 гаруй жилийн хүний нөөцийн бүрдүүлэлт, сонгон шалгаруулалтын туршлагатай Ариунаа нь хүний нөөцийн бодлого боловсруулах, ажиллах хүчний төлөвлөлт, ажилтны сэдэлжүүлэлт, байгууллагын сургалт гэх чиглэлүүдээр мэргэшсэн юм. Тэрээр банк, санхүү, олон улсын төслүүд, инженерчлэл, боловсрол, гадны хөрөнгө оруулалттай байгууллагуудын бүрдүүлэлт дээр туршлагатай бөгөөд эдгээр салбаруудын компаниудад хүний нөөцийн гүйцэтгэлийн үнэлгээ, ажилтны идэвхжүүлэлт, төслийн хэрэгжилтийг удирдан зохион байгуулж ирсэн. Амжилттай ажиллаж байсан бүрдүүлэлтийн төслүүдээс дурьдвал: Мянганы сорилтын сангийн Цэвэрлэх байгууламжийн төсөл, гадны компанитай хамтарсан Сэргээгдэх эрчим хүчний суурилалтын төсөл, Олон улсын хөтөлбөртэй цэцэрлэгийн төсөл гэх мэт

Баярмаа Т. нь гадны болон дотоодын хөрнгө оруулалттай уул уурхай, барилга угсралт, санхүү, боловсрол, борлуулалт, худалдааны байгууллагуудад 10 гаруй жил ажиллсан туршлагатай, англи, орос, солонгос хэлтэй рекрутер юм.

Жавхлан нь хүний нөөц, бизнесийн процессийг сайжруулах чиглэлээр 18 жилийн туршлагатай HR рекрутер юм. Тэрээр бизнесийн шаардлагыг тодорхойлох болон байгууллагын үр дүн, бүтээмжийг сайжруулах шинжилгээ судалгаа хийхдээ гаршсан ба санхүү, хүний нөөцийн удирдлага, цалингийн удирдлага, SCM, CRM зэрэг салбаруудад гар бие оролцож байсан тул компанийн тус салбаруудын хэрэгцээ шаардлагад тулгуурлан зохих талент олох чадвартай.

Болормаа нь ОУ-н мэргэжлийн көүчийн холбооний гишүүн көүч бөгөөд тогтвортой хөгжил, эрчим хүч, уул уурхай, инженерийн салбар болон санхүү бүртгэл, аудит, боловсролын чиглэлээр мэргэшсэн туршлагатай. Тэрээр эдгээр салбараас гадна гадны хөрөнгө оруулалттай компанид экспертүүдийг сонгон шалгаруулж бүрдүүлдэг ба харилцааны ур чадвар өндөр, байгууллагын соёлын мэдэрч хамтран ажиллаж чаддаг, Англи болон Хятад хэлтэй туршлагатай рекрутер юм.

Ганчимэг нь борлуулалт, маркетинг, худалдааны салбаруудад мэргэшсэн чадварлаг хүний нөөцийн рекрутер юм. Тэрээр тус салбарын байгууллагуудын ажиллах хүчний хэрэгцээ шаардлагыг тодорхойлон өөрийн нетворк, маркетингийн туршлагийг ашиглан чадварлаг талентуудыг олж өгдөг юм.

Хүний нөөц, стратегийн менежмент, бизнесийн удирдлагын салбарт 22 жилийн туршлагатай, Амаржаргал нь ажилчдын сонгон шалгаруулалт, сургалт, гүйцэтгэлийн үнэлгээ, ISO 30400:2016 болон ISO 9001:2015 стандартын, хүний нөөцийн аудитын чиглэлээр мэргэшсэн туршлагатай зөвлөх юм.Амаржаргал нь банк, санхүү, үйлдвэрлэл, худалдаа, үүрэн холбоо, барилга, эрүүл мэндийн салбарт мэргэшсэн талент сонгон шалгаруулах ажлыг амжилттай удирдан ажилласаар ирсэн.

Тамир нь хүний нөөцийн удирдлага, стратеги, болон дижитал шилжилтийн 24 жилийн туршлагатай. Тэрээр удирдах албан тушаалтны сонгон шалгаруулалт, байгууллагын менежмент, удирдлагын ажилчдын ур чадварыг дээшлүүлэх сургалтын чиглэлээр мэргэшсэн бөгөөд санхүү, нягтлан бодох бүртгэлийн салбарт өндөр түвшний чадварлаг мэргэжилтнүүдийг сонгон шалгаруулж, компаниудад зуучилдаг. Тамир нь Турк, Хятад хэлтэй тул Турк, Хятад олон улсын байгууллагуудтай хамтран ажиллахад нээлттэй.