NAP LLC

"ЭН ЭЙ ПИ групп" ХХК нь барилгын зураг төсөл, барилга, хот байгуулалтын салбарт 5-35 жил хүртэл ажиллаж байгаа дадлага туршлага бүхий зөвлөх болон мэргэшсэн архитекторууд, төрөл мэргэжлийн инженерүүдээс бүрдсэн бөгөөд 2007 оноос шинэ бүтэц, зохион байгуулалтаар үйл ажиллагаагаа явуулж байна.

            Тус компанийн мэргэжилтнүүд нь хот төлөвлөлтийн баримт бичгүүд,төрөл бүрийн барилга, байгууламжийн эх загвар болон ажлын зураг төслийг боловсруулах түүнийг хэрэгжүүлэх ажлыг хариуцан гүйцэтгэдэг.  Архитекторууд, инженер техникчид, санхүү, хүний нөөцийн албаны мэргэшсэн, чадварлаг мэргэжилтнүүд, ажлын гүйцэтгэлд суурилсан урамшуулалын систем, оновчтой менежментийн дор нэгдэн хүчирхэг баг болон ажиллаж байна.

Монгол улсын хөгжил цэцэглэлтийн баталгаа болсон барилгын салбарын бүтээн байгуулалтанд хувь нэмрээ оруулж байгаагаараа ямагт бахархаж явдаг. Бид захиалагч, хөрөнгө оруулагч нартаа үндэсний болон олон улсын стандарт, норм дүрэм, техник технологийн шаардлага хангасан чанартай, баталгаат үйлчилгээ хүргэхийг зорилгоо болгон  салбартаа тэргүүлэгчийн түвшинд хүрч ажиллана гэдэгт манай хамт олон бүрэн итгэлтэй байна.