COSE beauty retail | Авек Амуулай ХХК

Манай компани нь 2018 оноос эхлэн Дэлхийн 300 гаруй брендийг нэгтгэсэн Монголын хамгийн анхны гоо сайхны нэгдсэн их дэлгүүр юм. Манай хамт олон 6 жилийн хугацаанд 10 салбар дэлгүүрийг амжилттай нээн, онлайн дэлгүүрийнхээ үйл ажиллагааг тогтмол өргөжүүлэн, Монгол орны өнцөг булан бүрт эрүүл, гоо сайхны соёлын түгээн ажиллаж байна.

Бид Япон, Солонгос, Монгол, Францын тансаг үнэртэн, гоо сайхан, эрүүл мэнд, арьс арчилгааны бүтээгдэхүүнийг чөлөөтэй тестэлж, харж, барьж, харьцуулж тав тухтай сонголт хийн, өөрийгөө болон гэр бүлээ хайрлах гоо сайхны ертөнцийг бүрдүүлээд байна.

Манай компанийн

Алсын хараа: Орчин цагийн Торгоны замыг Нүүдэлчин удмын өв ухаанаар манлайлах.

Бид нүүдэлчдийн өв ухаан шингэсэн чадварлаг менежментийн тогтолцоог нэвтрүүлж, орчин цаг үеийн Торгоны замын жишиг шилдэг компани байхыг эрхэмлэн зорино.

Эрхэм зорилго: Өөр өөр өнгө аясийг урлан бүтээгч гоо сайхны соёлоор дамжуулан өөртөө итгэх итгэлийн галыг бадраах

Бидний үнэт зүйл:

1.     Үнэнч шударга ёс зүй, чин сэтгэлийг дээдэлнэ:

Бид бүхий л үйл хэрэгтээ үнэнч шударга ёс зүйг эрхэмлэн дээдэлж, баримтална. Бидний үйл ажиллагааны зарчим бол бизнесийн ёс зүйн хэм хэмжээг сахих, хууль журмыг даган мөрдөх, цаг баримтлах мөн. Бид буруу зүйлд хурц байж, зөв үйлийг үйлдэх амлалтандаа тууштай үнэнч байна.

2.     Хязгааргүй оргилсон хүсэл тэмүүлэл:

Бид хэзээд шантрахгүй давшигч дайчин баг байх болно. Бид зорилгынхоо төлөө идэвхи санаачлагатай ажиллаж, үргэлжид хөгжил дэвшлийг зорьдог. Бидний урам зориг тэмүүлэл биднийг шинэ том зорилго руу дуудаж, шинэ бүтээлч санаагаа бусадтайгаа нээлттэй хуваалцаж, урагшлан тэлэхэд хөдөлгөгч хүч болдог.

3.     Өсөж дэвших сэтгэлгээ:

Бид ажилчдынхаа өсөж дэвжих сэтгэлгээг бодит ажил хэрэгчээр дэмжсэнээр ажилчдын маань мэргэжлийн мэдлэг, ур чадвар тасралтгүй дээшилж байдаг. Биднийг илүү чадварлаг болгон урагшлуулахад хэрэгтэй мэдлэг, туршлагыг өөр хоорондоо харамгүй хуваалцаж, өөрийгөө болон өрөөл бусдыгаа өсөж дэвжүүлэх боломжийг бид бүгд баяртайгаар ашигладаг.

4.     Ондоошлыг хүндэтгэсэн тэгш байдал:  “LGBTQ, хөгжлийн бэрхшээлтэй иргэд, арьс өнгө, шашин бүхэнд хүндэтгэлтэй хандах”

Бид хүн бүхэнд хүндэлтгэлтэй ханддаг. Бид тэгш эрхэт байдлыг эрхэмлэн, хүн бүхэнд хүндэтгэлтэй хандаж, халамж таатай, нийлэмж тухтай орчныг бүрдүүлнэ. Эерэг таатай орчинг бүрдүүлэх нь бидний хамтын зорилго.

5.     Хамтын амжилт:

Бидний өөрсдийн өсөлт дэвшил нь хөгжлийг хурдасгаж, хамт олноороо нэгдмэл нэг зорилгын төлөө хүчээ нэгтгэн зүтгэж, амжилтанд хүрэхийн сайхныг бид мэдэрдэг. Бид бүтээмжийг чухалчилж, чанартай, шуурхай, үр дүнтэй ажилладаг. Бид хамтын нэгдмэл хүчээр хөгжил дэвшилд хүрдэг.